ЕЗ гатовы вылучыць Украіне мільярд еўра ўжо ў сакавіку

• 25.02.2014, 17:11

Уся еўрапейская фінансавая дапамога складзе 20 мільярдаў еўра.

Еўрапейскі звяз гатовы вылучыць Украіне больш за 1 млрд. еўра фінансавай падтрымкі ўжо ў сакавіку 2014 года. Пра гэта заявіў камісар па справах бюджэту ЕЗ Януш Левандоўскі, паведамляе Polskie radio.

"Гэта зусім выключная фінансавая дапамога Украіне, якая больш ніколі не будзе вылучаная без якіх-небудзь абавязацельстваў", - падкрэсліў ён.

Камісар дадаў, што краіны еўрапейскай супольнасці больш не могуць сабе дазволіць "прадастаўляць грошы ў цёмную", а таму абавязковай умовай дапамогі з'яўляецца правядзенне рэформаў новым урадам у Кіеве, піша Лiга.НЕТ.

Акрамя дапамогі, Украіна можа разлічваць на крэдыты пад невысокі адсотак ад еўрапейскіх банкаў. У цэлым, як чакаецца, уся фінансавая дапамога складзе больш за 20 млрд. еўра.

Нагадаем, учора, 24 лютага, вярхоўны прадстаўнік ЕЗ па замежных справах і палітыцы бяспекі Кэтрын Эштан пасля сустрэчы з лідарамі партыі УДАР Віталём Клічко, ВА «Батькивщина» Арсеніем Яцанюком і ВА «Свабода» Алегам Цягнібокам запэўніла, што Украіне будзе прадастаўленая шырокая дапамога ад ЕЗ пасля стварэння ўрада.