Рада Украіны прыняла пастанову аб вызваленні Цімашэнкі
- 22.02.2014, 14:57
Парламент Украіны прыняў пастанову аб выкананні міжнародных абавязанняў у вызваленні былога прэм'ер-міністра Юліі Цімашэнкі з-за кратаў.
Пра гэта паведамляе «УНП».
Адзначаецца, што 322 народных дэпутата з 331 зарэгістраваных у залі пасяджэнняў прагаласавалі за такую пастанову.
Раней спікер Вярхоўнай рады Украіны Аляксандр Турчынаў заявіў, што Цімашэнцы пагражае небяспека, таму трэба прыняць тэрміновую пастанову.
«Паводле нашай інфармацыі Юліі Цімашэнцы пагражае небяспека» , - цытуе РІА «Новости» Турчынава.