Бёрндален устанавіў рэкорд у медалях на зімовых Алімпіядах

• 19.02.2014, 19:59

Біятланісты з Нарвегіі здабылі залаты медаль у змяшанай эстафеце, якая ўпершыню ўвайшла ў алімпійскую праграму на Гульнях у Сочы.

Тура Бэргэр, Цірыль Экхоф, Уле-Эйнар Бёрндален і Эміль Хегле Свендсэн на дыстанцыі 2х6 + 2х7, 5 км з васьмю агнявымі рубяжамі паказалі час 1 гадзіна 9 хвілін 17,0 секунды, выкарыстаўшы два дадатковыя патроны.

Сочынскае алімпійскае золата стала для Бёрндалена восьмым у кар'еры. Акрамя таго, ён пабіў рэкорд у колькасці медалёў на зімовых Алімпійскіх гульнях - цяпер на ягоным рахунку 13 медалёў, піша NEWSru.com.

Срэбра ўзялі чэхі, якія саступілі пераможцам 32,6 секунды, а бронза ў італійцаў, якія адсталі на 58,2 секунды.