У Менску знайшлі мёртвай студэнтку БДУ

• 18.02.2014, 19:26

Загінулая родам з Баранавічаў, вучылася на першым курсе факультэта міжнародных стасункаў БДУ.

Увечары 14 лютага яна выйшла з дому (паводле версіі нашай крыніцы, дзяўчына адправілася на спатканне), а на наступны дзень яе знайшлі мёртвай. Ва ўправе Следчага камітэта Менску пацвердзілі факт смерці 18-гадовай студэнткі, аднак ад далейшых каментароў адмовіліся, спаслаўшыся на працягласць працэдуры высвятлення прычын смерці, піша onliner.by.

Інфармацыя аб гібелі дзяўчыны абмяркоўваецца ў студэнцкіх колах, абрастаючы здагадкамі і версіямі. Многія сыходзяцца ў тым, што загінулая была вясёлай і таварыскай. Кажуць, што ўсе супрацоўнікі ВНУ папярэджаныя аб невыдаванні інфармацыі.

Сёння ж днём куратары курсаў атрымалі каманду правесці выхаваўчыя гутаркі са студэнтамі пра ўплыў «спайса» на свядомасць і ягоную шкоду здароўю.