Мінфін пазычыў у беларусаў $30 мільёнаў

• 15.02.2014, 14:20

Міністэрства фінансаў Беларусі з 16 снежня 2013 па 14 лютага 2014 прадало валютныя аблігацыі на 30,4 млн даляраў ЗША.

Гэта склала 60,8% ад агульнага аб'ёму эмісіі, паведамляе БелаПАН.

Да размяшчэння аблігацый названых выпускаў на агульную суму 50 млн даляраў ЗША з тэрмінам абарачэння адзін год Мінфін прыступіў 16 снежня. Стаўка адсоткавага даходу складае 7% гадавых, выпускі адрозніваюцца наміналам у 100 даляраў ЗША, 1 тыс даляраў ЗША і 5 тыс даляраў ЗША.

Арганізатарам і банкам-агентам у выпусках дзяржаблігацый у замежнай валюце для фізічных асоб выступае ААТ «АСБ «Беларусбанк».

У канцы снежня стала вядома, што Мінфін разлічвае прыцягнуць 75-100 млн даляраў за кошт размяшчэння на ўнутраным рынку валютных аблігацый для фізічных асоб.