Памёр акцёр Георгій Мартынюк

• 13.02.2014, 17:36

Народны артыст Расеі памёр у Маскве 13 лютага 2014 года.

Пра гэта паведамляецца на сайце Тэатра на Малой Броннай, дзе працаваў акцёр. Яму было 73 гады. Перад смерцю Мартынюк доўга хварэў.

Грамадзянская паніхіда па артысту пройдзе ў Тэатры на Малой Броннай з 10:00 да 11:30.

Артыст, які працаваў у тэатры больш за 50 гадоў, праславіўся ў асноўным дзякуючы сваім кінаролям. У прыватнасці, шырока вядомая яго роля Палкоўніка Знаменскага ў тэлефільме «Следства вядуць знатакі».