19-гадовая фотамадэль гатуе на кухні Майдана

• 13.02.2014, 11:28

У жыцці 19-гадовая Кацярына - студэнтка, біёлаг-вірусолаг, а таксама фотамадэль. А на Майдане - кухарка і прыбіральніца.

«Наша Нiва» пагутарыла з маладой рэвалюцыянеркай.

«Я раней ніколі не прыбірала. А тут навучылася мыць прыбіральні, чысціць цыбулю. Чаго тут саромецца?» - кажа дзяўчына.

За два месяцы рэвалюцыі дзяўчына паспела няўдала закахацца ў абаронцу Майдана. «Разбіў мне сэрца», - прызнаецца прыгажуня. Зараз у яе новае каханне, таксама рэвалюцыянер. «Ну не з «цітушак» жа выбіраць!» - кажа яна.