Беларусь нагандлявала таварамі на мінус $1 мільярд

• 9.12.2014, 14:34

Адмоўнае сальда замежнага гандлю таварамі Беларусі ў студзені-кастрычніку 2014 склала 1,05 млрд даляраў.

Пра гэта сведчаць звесткі Нацыянальнага банка краіны, апублікаваныя 9 снежня. Разам з тым сальда гандлю паслугамі за гэты перыяд было станоўчым, піша «Тэлеграф».

За кошт станоўчага сальда гандлю паслугамі ў суме 1,8 млрд даляраў станоўчым сталася і агульнае замежнатарговае сальда Беларусі - за 10 месяцаў 2014 года замежны гандаль Беларусі ў плюсе на 797,7 млрд даляраў.

У той жа час сітуацыя ў замежным гандлі ў кастрычніку ў параўнанні з папярэднімі месяцамі пагоршылася, так як за студзень-верасень, як паведамляў Тэлеграф, станоўчае сальда замежнага гандлю таварамі і паслугамі Беларусі складала 871,6 млн даляраў.