Танцуючы вадаправодчык з Шатландыі ўражаны сваёй інтэрнэт-славай

• 4.12.2014, 18:41

Відэаролік, зняты калегам шатландца, прагледзела больш за 911 тыс. чалавек.

Танцуючы вадаправодчык Марк Тоўпен з Шатландыі ўражаны сваёй інтэрнэт-славай, паведамляе The Courier. Відэаролік, зняты калегам шатландца, быў выкладзены на YouTube у канцы лістапада, і да цяперашняга часу колькасць праглядаў кліпа перавысіла 911 тыс. 52-гадовы Тоўпен танцаваў пад кампазіцыю Saltwater ад Chicane.

Відэа таксама з'явілася ў «Фэйсбуку» LadBible: там яно сабрала тысячы каментароў і «лайкаў», а таксама 10 млн. праглядаў, піша gazeta.ru.

Як прызнаўся Тоўпен, ён не самы лепшы танцор. «Але ў гэтым сутнасць музыкі, вы ніколі не становіцеся занадта старым для гэтага», - сказаў вадаправодчык. Ён дадаў, што некалькі ашаломлены тым, што адбылося. Паводле слоў шатландца, ён атрымлівае паведамленні і званкі з віншаваннямі з нагоды славы, якая абрынулася на яго.

«У мяне няма тэлевізара, я проста слухаю музыку. Праца цяжкая, жыццё даволі цяжкае, музыка - гэта мой прытулак», - паведаміў Тоўпен.