Фонд Міру не верыць у беларускую «стабільнасць»

• 29.12.2014, 11:56

Амерыканскі Фонд Міру (Fund for Peace) змясціў Беларусь у групу краін з «высокім узроўнем небяспекі» дзяржаве.

Гэта вынікае са штогадовага індэкса пагрозы распаду дзяржавы (Fragile States Index), піша АФН.

Індэкс разлічваецца на базе інфармацыі з адкрытых крыніц з улікам ацэнкі сітуацыі з правамі чалавека, якасці публічных паслуг, размеркавання багаццяў і колькасці бежанцаў у розных краінах свету.

У рэйтынгу з 178 Беларусь апынулася на 90 месцы, абагнаўшы па стабільнасці Расею і Малдову, але саступіўшы пры гэтым Украіне (чым вышэй месца ў рэйтынгу, тым больш пагроз для дзяржавы).

На апошнім, самым ганаровым месцы, у 4-ы раз запар апынулася Фінляндыя. У групу «ўстойлівых дзяржаў» патрапілі Швейцарыя, Новая Зеландыя, Аўстралія, Канада, Аўстрыя.

Самай нестабільнай дзяржавай свету складальнікі рэйтынгу назвалі Паўднёвы Судан. Раней гэтую пазіцыю цягам шасці гадоў утрымлівала Самалі.