Штука са ступнямі дапамагла Нэймару забіць гол (Відэа)
- 28.12.2014, 18:09
Бразільскі нападнік «Барсэлоны» Нэймар ашчаслівіў сваіх пэрсанальных заўзятараў рэдкім выкрутам у дабрачынным матчы.
Заціснуўшы балон паміж ступакамі, бразільскі чараўнік спрытным цыркавым рухам падкінуў яго над абаронцам, які праводзіў позіркам форварда, што пракраўся такім нестандартным чынам у штрафную пляцоўку, паведамляе РБК.
Убачыўшы перад сабой брамніка, Нэймар лёгка прабіў яго дакладным ударам. Нэймар вядомы вычварнымі штукамі, уменнем паказаць сябе нестандартна на полі - абаронцам даводзіцца заўсёды быць напагатове і чакаць ад форварда ўсякага падкопу. У 2014 годзе, на хатнім для Бразіліі чэмпіянаце свету, Нэймар быў лідэрам пэнтакампеонаў, а без яго гаспадары турніру пацярпелі дзве паразы з агульным лікам 1:10 і закончылі мундыяль на чацвёртым месцы. У чэмпіянаце Гішпаніі Нэймар ідзе на трэцім месцы ў гонцы бамбардзіраў, на ягоным рахунку 11 галоў у 13 матчах - наперадзе толькі Крышціяну Ранальду (25) і Ліянэль Мэсі (15).