На Запарожскай АЭС адключыўся адзін з энэргаблокаў

• 28.12.2014, 11:05

На Запарожскай атамнай станцыі (Энэргадар, Запарожская вобласць Украіны) раніцай 28 снежня адбылося пазапланавае адключэнне энэргаблока №6.

Пра гэта паведамілі ў інфармацыйным цэнтры ЗАЭС, паведамляе УНИАН.

«28 снежня 2014 года а 05:00 59 хвілін энэргаблок №6 Запарожскай АЭС адключаны ад сеткі дзеяннем абароны ад унутраных пашкоджанняў генератара. Рэактарная ўстаноўка знаходзіцца на 40% магутнасці. Прычыны адключэння абароны высвятляюцца», - гаворыцца ў паведамленні.

Паводле звестак інфармцэнтра, цяпер у працы знаходзяцца 5 энэргаблокаў сумарнай магутнасцю 4530 МВт. Радыяцыйны фон на прампляцоўцы і ў санітарна-ахоўнай зоне (тэрыторыя вакол АЭС радыусам 2,5 км) - 8-12 мікрарэнтген у гадзіну, што адпавядае прыроднаму радыяцыйнаму фону ў месцы размяшчэння Запарожскай АЭС.