Парашэнка і Мэркель абмеркавалі «менскія дамоўленасці»

• 28.12.2014, 11:00

Прэзідэнт Украіны Пётр Парашэнка ў суботу ўвечары правёў тэлефонную размову з канцлерам Нямеччыны Ангелай Мэркель, паведамляе прэс-служба прэзідэнта.

Падчас размовы Парашэнка і Мэркель падкрэслілі, што для мірнага ўрэгулявання ўсе бакі павінны выканаць усе пункты Менскіх дамоўленасцей, перш за ўсё, закрыць мяжу, вывесці войскі і выйсці на лінію размежавання.

Як гаворыцца ў паведамленні, прэзідэнт Украіны паведаміў аб вызваленні 150 ўкраінскіх закладнікаў, якім цяпер надзяляюць неабходную дапамогу. Ён таксама запэўніў, што ўкраінская ўлада працягвае прыкладаць усе намаганні для вызвалення іншых украінцаў, якія дагэтуль знаходзяцца ў палоне.

Таксама Парашэнка распавёў аб паспяховай дастаўцы першай часткі ўкраінскага гуманітарнага грузу, сфармаванага на ягоную ініцыятыву для жыхароў Данбаса, паведамляе прэс-цэнтр.

Суразмоўцы абмеркавалі пытанні міжнароднай эканамічнай дапамогі для Украіны. Парашэнка і Мэркель пагадзіліся з тым, што больш хуткае ўзгадненне новай праграмы Міжнароднага валютнага фонду дапаможа ўрэгуляваць эканамічную сітуацыю, а таксама будзе садзейнічаць паступленню дапамогі ад іншых міжнародных донараў.