Мытнікі канфіскавалі восем тон кветак
- 23.12.2014, 17:44
Прадстаўнікі Берасцейскай мытні спынілі незаконны ўвоз кветак на суму каля мільярда беларускіх рублёў.
Больш за 8 тон раслін з Нідэрландаў ехалі ў Расею. Пра гэта сайту charter97.org паведамілі ў Дзяржаўным мытным камітэце Беларусі.
Колькасць канфіскаваных кветак перавышала заяўленую ў дакументах больш чым на 33,5 тысяч руж. Сярод кветак было выяўлена 142 гаршковых руж і хрызантэм. Звесткі пра іх у суправаджальных дакументах не знойдзены.
Папярэдняя ацэнка агульнага кошту затрыманых раслін - 1 мільярд беларускіх рублёў. У гэтым годзе такая партыя - самая буйная з кветкавай прадукцыі, што ўвозіцца на тэрыторыю Мытнага саюза.