Карл Більт: Блакаванне «Хартыі'97» - не найлепшы крок, калі хочаш палепшыць стасуекі з ЕЗ

• 23.12.2014, 16:18

Уплывовы еўрапейскі палітык уважае блакаванне незалежных сайтаў у Беларусі за неразумны крок.

Былы міністр замежных спраў Швецыі Карл Більт выказаў сваё меркаванне з нагоды блакавання Charter97.org і іншых незалежных сайтаў уладамі Беларусі ў сваім «Твітэры».

«Падобна на тое, рэжым у Менску пачаў блакаваць незалежныя сайты. Не найлепшы крок, калі хочаш палепшыць стасункі з Еўразвязам», - напісаў ён. На паведамленне адрэагавала больш за сотню грамадскіх і палітычных дзеячаў.

Нагадаем, сайт Charter97.org знаходзіцца пад блакаваннем ужо пяты дзень. Заблакаваныя таксама іншыя незалежныя сайты. Шматлікія сусветна вядомыя СМІ і замежныя палітыкі ўжо адрэагавалі на тое, што адбываецца.