Звольнены вертыкальшчык узначаліў «Магілёўхімвалакно»
- 23.12.2014, 15:45
Пётр Руднік прадстаўлены працоўнаму калектыву «Магілёўхімвалакно» ў якасці генеральнага дырэктара.
Новага кіраўніка працоўнаму калектыву прадставіў кіраўнік адміністрацыі Лукашэнкі Андрэй Кабякоў, паведамляе mogilevnews.by.
Сяргей Пузевіч, які ўзначальваў прадпрыемства, адхілены ад пасады генеральнага дырэктара з прычыны непрыняцця своечасовых мер у мадэрнізацыі вытворчасці, што прывяло да нізкай канкурэнтнай здольнасці выпускаемай прадукцыі і невыканання прагнозных паказчыкаў.
Лукашэнка 22 снежня вызваліў Пятра Рудніка ад пасады старшыні Магілёўскага абласнога выканаўчага камітэта.