Памёр Джо Кокер
- 22.12.2014, 21:30
Знакаміты блюзавы спявак Джо Кокер сканаў у панядзелак, 22 снежня, на 71-м годзе жыцця ад раку лёгкіх.
Пра гэта паведамляе BBC News.
Кокер змагаўся з ракам апошнія некалькі гадоў.
Інфармацыю пра смерць спевака пацвердзіў ягоны агент Бары Маршал, піша Lenta.ru.
Паводле ягоных слоў, Кокер быў «проста унікальны», і «немагчыма будзе запоўніць пустэчу, якую ягоная смерць пакінула ў нашых сэрцах».