На стаянцы ў Віцебску спалілі дзве фуры

• 22.12.2014, 16:41

Адна з меркаваных прычын - падпал.

Пра гэта сайту charter97.org паведамілі ў прэс-службе МНС.

«21 снежня 2014 г. а 21:57 у МНС па лініі «101» ад відавочцы паступіла паведамленне аб пажары грузавых аўтамабіляў на тэрыторыі аўтастаянкі ў горадзе Віцебску па вуліцы Церашковай, у раёне дома 11. Пасля прыбыцця да месца выкліку адбывалася адкрытае гарэнне кабін двух грузавых аўтамабіляў з прычэпамі (седлавы цягач маркі «Івека» і седлавы цягач маркі «Вольва»)», - гаворыцца ў паведамленні.

Пажар аператыўна ліквідаваны падраздзяленнямі МНС. Прычына ўсталёўваецца, адна з версій - падпал.

Фота: МНС