Дональд Туск: Санкцыі супраць РФ пачынаюць прыносіць вынік

• 22.12.2014, 16:10

Дзякуючы санкцыям танальнасць стасункаў паміж ЕЗ і Расеяй пачала мяняцца.

Пра гэта заявіў кіраўнік Еўрапейскай рады Дональд Туск, паведамляе ZN.ua.

"Гэта дае вынікі. Танальнасць стасункаў з Расеяй, стасункаў ЕЗ з Расеяй пачала мяняцца. На мой погляд, гэта адбылося галоўным чынам дзякуючы санкцыям. Яны (санкцыі) пачалі прыносіць вынікі", - адзначыў ён.

Кіраўнік Еўрапейскай рады адзначыў, што ўсе краіны ЕЗ павінны аддаваць сабе справаздачу ў тым, што санкцыі ўдараюць таксама па іх.

"Калі ёсць жаданне схіліць Расею да пэўных дзеянняў пры дапамозе санкцый, гэта звязана з ахвярамі. Я думаю, што гэтыя ахвяры не могуць быць празмернымі, яны не павінны перавышаць магчымасці Еўропы, аднак мы павінны нагадаць Расеі, што нельга сябе так паводзіць", - сказаў Туск.