Міліцыя арыштавала чатырох менчукоў за абмен валюты не ў банку

• 22.12.2014, 12:14

У тым ліку арыштаваны 16-гадовы хлопец, у якога канфіскавалі $315.

Пра гэта charter97.org паведамілі ў прэс-службе МУС.

Так, а 14.30 ля дома №101 па вуліцы Прытыцкага супрацоўнікі аддзела ў барацьбе з эканамічнымі злачынствамі Мінскага РУУС за парушэнне парадку правядзення валютных аперацый затрымалі двух менчукоў - 1983 і 1989 гадоў нараджэння. У мужчын было канфіскавана Br19,6 млн і $950.

А 15.00 непадалёк ад вёскі Баравая Менскага раёна на тэрыторыі ТРЦ «Экспабел» супрацоўнікі АБЭЗ РУУС за парушэнне парадку правядзення валютных аперацый затрымалі яшчэ дваіх мужчын - менчука 1962 і 1998 гадоў нараджэння, у якіх канфіскавана Br10,8 млн і $315.