Эльдара Разанава перавялі з рэанімацыі ў звычайную палату

• 2.12.2014, 19:19

Стан Эльдара Разанава паляпшаецца.

Вядомы кінарэжысёр Эльдар Разанаў пераведзены з рэанімацыі ў звычайную палату, паведаміла ў аўторак "Інтэрфаксу" крыніца, блізкая да ягонай сям'і.

"Стан Эльдара Аляксандравіча пачаў выклікаць у медыкаў аптымізм, і сёння паводле рашэння лекараў ён пераведзены ў звычайную палату", - заявіла крыніца.

Суразмоўца агенцтва сказаў, што вярнулася станоўчая дынаміка. "Як кажуць лекары, стан Эльдара Аляксандравіча пачаў паляпшацца", - адзначыла крыніца.

Эльдар Разанаў цяпер знаходзіцца ў шпіталі імя Бурдэнкі, куды ён трапіў 24 лістапада з дыягназам "вострае парушэнне кровазвароту".