Крама мабільнай тэхнікі «Сувязны» зачынілася

• 19.12.2014, 17:07

Таксама не працуе і іх афіцыйны сайт.

Пра гэта charter97.org стала вядома ад аднаго з супрацоўнікаў кампаніі.

«Мы зачыніліся. Не назаўсёды, проста рыхтуем пераацэнку. Адчынімся, калі будзе стабільныя 25-30 тысяч за даляр», - паведамляе ён.

Рэдакцыя charter97.org высвятляла ў супрацоўнікаў кампаніі, ці праўда гэта. Адміністратарка афіцыйнай групы «Вконтакте» Вольга Белая пацвердзіла інфармацыю.

«Так, крама часова зачыненая, на жаль», - паведамляе яна.

Нагадаем, сённяшняй пастановай Нацбанку быў уведзены падатак 30% пры куплі валюты. Цяпер курс даляра складае 14150, а курс еўра - 17400 беларускіх рублёў.