Еўрапарламент ратыфікаваў Пагадненне аб асацыяцыі з Грузіяй

• 18.12.2014, 16:00

Асацыяцыю падтрымалі 490 еўрадэпутатаў, 76 выказаліся супраць, яшчэ 57 устрымаліся.

Еўрапарламент ратыфікаваў Пагадненне аб асацыяцыі паміж ЕЗ і Грузіяй, уключаючы паглыбленую і усеабдымную зону свабоднага гандлю, паведамляе «Укрінформ».

Галасаванне адбылося ў чацвер у Страсбургу.

Адзначаецца, што асацыяцыю падтрымалі 490 дэпутатаў, 76 выказаліся супраць, яшчэ 57 устрымаліся.

Нагадаем, 18 ліпеня 2015 года парламент Грузіі ратыфікаваў Пагадненне аб асацыяцыі з ЕЗ. Дакумент быў прыняты аднагалосна 123 галасамі. 27 чэрвеня Еўрапейскі Звяз падпісаў Пагадненне аб асацыяцыі з Украінай, Малдовай і Грузіяй.