Літва прапануе лібералізацыю візавага рэжыму з краінамі-партнёрамі ЕЗ

• 16.12.2014, 16:23

Вільня выступае за лібералізацыю візавага рэжыму з краінамі-партнёрамі Еўрапейскага Звязу да траўня 2015 года.

Пра гэта на сваёй старонцы ў мікраблогу Twitter напісаў міністр замежных спраў Літвы Лінас Лінкявічус.

"Літва ініцыявала ліст да інстытуцый ЕЗ, падпісаны 7 міністрамі замежных спраў, з заклікам паскорыць лібералізацыю візавага рэжыму для партнёраў перад самітам "Усходняга партнёрства" ў Рызе", - напісаў ён.

Саміт "Усходняга партнёрства" запланаваны ў Рызе (Латвія) у траўні 2015 года.