Салістка Morcheeba частавала менскіх прыхільнікаў тэкілай

• 16.12.2014, 15:35

Увечары 15 снежня ў сталічным Prime Hall выступіла брытанская група Morcheeba з праграмай Greatest Hits Plugged & Unplugged.

Гурт, які перажывае другі пік папулярнасці, прыехаў у Менск у залатым складзе - з вакалісткай Скай Эдвардс, піша БелаПАН.

Канцэрт прайшоў у вельмі цёплай, клубнай атмасферы. Музыкі шмат жартавалі і мелі стасункі з публікай. Беларускія прыхільнікі Morcheeba падарылі Скай Эдвардс яе партрэт, за што аўтар малюнка атрымаў ад вакалісткі бутэльку тэкілы.