Расея пачала маштабныя вайсковыя вучэнні на мяжы з Украінай
- 15.12.2014, 14:22
Міністэрства абароны РФ пачало праводзіць «маштабныя зборы» кіруючага складу побач з украінска-расейскай мяжой.
У «зборах» возьмуць удзел каля 200 генералаў і афіцэраў.
Пра гэта заявіла прэс-служба Паўднёвай вайсковай акругі РФ, паведамляе BBC-Расея.
Расея не збіраецца выводзіць войскі з Украіны і перакрываць мяжу.
«Збор пройдзе ў Растоўскай вобласці і працягнецца да 17 снежня. Усяго ў ім бяруць удзел бдізу 200 генералаў і афіцэраў упраўлення вайсковай акругі, агульнавайсковых аб'яднанняў, камандавання ВПС і супрацьпаветранай абароны (СПА), чыгуначных войскаў, Чарнаморскага флоту і Каспійскай флатыліі, камандзіры злучэнняў і воінскіх частак», - гаворыцца ў паведамленні прэс-службы.
Акрамя лекцый і семінараў, удзельнікаў чакаюць практычныя вучэнні з баявой стральбой.