Руды кот у аэрапорце Уладзівастока з'еў далікатэсаў на 1100 даляраў (Відэа)

• 11.12.2014, 11:00

Ва Уладзівастоку руды бяздомны кот залез у вітрыну з марскімі дэлікатэсамі ў краме ў мясцовым аэрапорце.

Як распавялі працаўнікі крамы, кот з'еў кальмара гарачага вэнджання і сушаную камбалу, а таксама надарваў некалькі упаковак. Шкоду ацанілі ў 60 тысяч расейскіх рублёў (1100 даляраў), паведамляе «Эхо Москвы».

Прадукцыю, якая была ў вітрыне, утылізавалі, а затым правялі дэзінфекцыю і санітарную апрацоўку.