Рассельгаснагляд зноў знайшоў чуму ў беларускай каўбасе

• 1.12.2014, 11:41

Рассельгаснагляд выявіў новую таварную партыю беларускай мясной прадукцыі з геномам віруса афрыканскай чумы свіней.

У адабраных у Разанскай вобласці пробах каўбасы Мёры сыравэнджаная, вырабленай Міёрскім мясакамбінатам Віцебскай вобласці Беларусі, выяўлены геном віруса афрыканскай чумы свіней. У ліку іншых, пытанне аб сістэматычным выяўленні прадукцыі, вырабленай з мяса інфіцыраваных вірусам АЧС жывёл, будзе абмеркаванае на сённяшняй сустрэчы галоўных ветэрынарных інспектараў краін Мытнага саюза, паведамілі charter97.org у прэс-службе ведамства.

Нагадаем, Беларусь часова прыпыніла пастаўкі свініны ў Расею 31 кастрычніка ў сувязі выяўленнем Рассельгаснаглядам геному віруса афрыканскай чумы свіней у прадукцыі беларускіх прадпрыемстваў. Так, геном віруса АЧС быў выяўлены ў прадукцыі Бабруйскага, Аршанскага, Менскага і Магілёўскага мясакамбінатаў.