Чэшскае тэлебачанне паведаміла, што СССР пачаў Другую сусветную вайну

• 8.11.2014, 19:12

Чэшскае тэлебачанне, найбуйнейшая тэлерадыёкампанія Чэхіі, праз памылку паведаміла, што Другую сусветную вайну пачаў СССР.

Як паведамляе «Радыё Прага», інцыдэнт адбыўся 18 верасня.

«Польшча ўспамінае 75-ю гадавіну савецкага ўварвання. Падзеі 17 верасня 1939 г адкрылі Другую сусветную вайну ў Еўропе», - заявіла ў эфіры вядучая Яна Пераўткава.

Гэта не першая памылка ў тэлеэфіры на сёння.

Раней паведамлялася, што ў эфіры навіннай перадачы амерыканскага тэлеканала CNN быў паказаны тытр, у якім замест Усамы бен Ладэна праз памылку было напісана імя прэзідэнта ЗША Барака Абамы, паведамляюць у суботу мясцовыя СМІ.

Перадача OutFront, якую вядзе Эрын Барнэт, выйшла ў эфір напярэдадні. У тытры было напісана наступнае: «Марскі пехацінец, які сцвярджае, што ён забіў Абаму, падвяргаецца нападкам».