Хуліган пашкодзіў 13 машын у менскім двары
- 6.11.2014, 10:09
Раніцай жыхар аднаго з дамоў па вуліцы Каліноўскага выявіў пашкоджанне колаў свайго аўтамабіля.
Notice: Trying to get property 'galleryImages' of non-object in /var/www/application/classes/BL/SiteEngineAmp.class.php on line 188
Warning: Invalid argument supplied for foreach() in /var/www/application/classes/BL/SiteEngineAmp.class.php on line 188
Крыху пазней стала ясна, што пашкоджаныя былі колы яшчэ 12 машын, прыпаркаваных у двары. «Раны» былі ў выглядзе бакавых праколаў і парэзаў пакрышак. Агульная сума шкоды пацярпелым перавысіла 12 мільёнаў рублёў, паведамляецца ў ГУУС Менска, піша onliner.by.
Падчас правядзення аператыўна-вышуковых мерапрыемстваў супрацоўнікамі Першамайскага РУУС на месцы здарэння быў знойдзены мабільны тэлефон магчымага злачынца. Пры затрыманні ў маладзёна пры сабе быў знойдзены нож.
Цяпер дзеянням затрыманага даецца прававая ацэнка, прызначаны шэраг экспертыз. Таксама правяраецца ягонае дачыненне да аналагічных злачынстваў.