Касінец пра «дармаедаў»: Не хочуць працаваць - трэба прымусіць

• 28.11.2014, 8:14

Губернатар Віцебскай вобласці распавёў, як змагацца з «дармаедамі».

Аляксандр Касінец раскрытыкаваў працу, якая праводзіцца ў рэгіёне ў выкананні Дэкрэта №18 «Аб дадатковых мерах дзяржаўнай абароны дзяцей у няўдалых сем'ях». Чыноўнік закрануў тэму кампенсацыі затрат на ўтрыманне дзяцей, бацькоў якіх пазбавілі правоў, піша БелТА.

«Адсотак у Віцебскай вобласці - 61,9% (па рэспубліцы - 66,6%). Чаму мы не выхоўваем гэтых гультаёў і дармаедаў? У нас дастатковая колькасць вакансій. Не трэба ні з кім цырымоніцца, не жадаюць працаваць - значыць трэба прымусіць. Яны павінны працаваць, толькі так мы зможам вярнуць іх на правільны жыццёвы шлях і аднавіць біялагічныя сем'і. Ніхто не заменіць ні бацьку, ні маці, якія б умовы мы ні стваралі», - заявіў Касінец.

На 1 кастрычніка 2014 года ў вобласці пражывалі 3 тыс 773 дзіцяці-сіроты, 68,4% з іх вызначаны на сямейныя формы ўладкавання.

Галоўная прычына траплення дзяцей у сацыяльна небяспечнае становішча - п'янства і беспрацоўе бацькоў. З 243 бацькоў, у якіх паводле пастановы камісіі сёлета былі адабраныя дзеці, 142 не працавалі. Паводле некаторых раёнах гэтая лічба дасягае 100%.