Эльдар Разанаў знаходзіцца ў рэанімацыі

• 25.11.2014, 14:55

Стан расейскага рэжысёра Эльдара Разанава, шпіталізаванага ў панядзелак, ацэньваецца як цяжкі.

Ён знаходзіцца ў рэанімацыі, паведамляе прадстаўнікі бальніцы, паведамляе BBC.

Напярэдадні вечарам 87-гадовага Эльдара Разанава шпіталізавалі ў Інстытут нейрахірургіі імя Бурдэнкі. Са слоў сяброў рэжысёра, ён адчуў недамаганне, яму выклікалі лекара, які адправіў яго ў бальніцу.

Народны артыст СССР Эльдар Разанаў зняў больш за 20 фільмаў.

Самыя вядомыя з іх - «Карнавальная ноч», «Гусарская балада», «Беражыся аўтамабіля», «Жорсткі раманс», «Службовы раман», «Гараж», «Іронія лёсу, або з лёгкай парай», «Вакзал для дваіх».