Брытанцы сабралі тысячы падарункаў для беларускіх дзяцей

• 24.11.2014, 15:11

Чакаецца, што да канца тыдня збярэцца каля 10 тысяч каробак з цацкамі, школьнымі прыладамі і прысмакамі.

Пра гэта пішуць жыхары розных гарадоў Вялікай Брытаніі ў сваіх блогах, а таксама пра гэта паведамляюць мясцовыя СМІ (пераклад і дайджэст - charter97.org).

Так, жыхарка Усходняга Ёркшыру Брэнда Голдспінк дзякуе у сваім блогу вучням мясцовых школ, якія ўзялі ўдзел у дабрачыннай акцыі і сабралі больш за 150 маляўнічых каробак з падарункамі для дзяцей з Беларусі. Яна займаецца дабрачыннасцю для дзяцей напярэдадні Калядаў і Новага года вось ужо 15 гадоў.

«Як жа добра, што пры ўсіх сучасных клопатах людзі ўсё яшчэ знаходзяць час падтрымаць штогадовую акцыю з «абутковымі каробкамі». Дзякуй велізарнае кожнаму, хто падрыхтаваў падарунак!», - Піша яна.

У скрынках знаходзяцца цацкі, зубныя шчоткі, шапкі, шалікі, рукавічкі, музычныя інструменты, школьныя прыналежнасці і прысмакі.

«Гэтыя рэчы вельмі простыя, але для дзяцей, у якіх няма нічога, нават яны будуць вельмі каштоўныя», - кажа адзін з арганізатараў Дэвід Арбан.

Нагадаем, аперацыя «Каляднае дзіця» праводзіцца з 1990 года хрысціянскай дабрачыннай арганізацыяй «Торба самарыцяніна».