Украінцы разгледзяць пытанне аб уваходжанні ў NATO на рэферэндуме

• 24.11.2014, 14:39

Пастанова аб уваходжанні ці не ўваходжанні Украіны ў NATO павінна прымацца на ўсеўкраінскім рэферэндуме.

Пра гэта Пётр Парашэнка сказаў падчас сумеснай прэс-канферэнцыі з прэзідэнтам Літоўскай Рэспублікі Даляй Грыбаўскайтэ сёння ў Кіеве, піша УНІАН.

«Пастанова аб уваходжанні ці не ўваходжанні Украіны ў NATO - гэта выключна кампетэнцыя ўкраінскага народа... Намі напрацавана, мінімум 6 гадоў напружанай працы, для таго, каб краіна адпавядала крытэрам як з нагоды ўваходжання ў Еўразвяз, так і крытэрам NATO. І толькі тады ўкраінскі народ на рэферэндуме будзе мець магчымасць вызначыцца што да ўваходжання ці не ўваходжання», - сказаў Парашэнка.

Сёння генеральны сакратар NATO Енс Столтэнберг заявіў, што Украіна будзе сябрам NATO, калі выканае крытэры і калі гэтага захоча.

«Дзверы застаюцца адчыненымі. Мы так наважылі. Я быў на саміце ў Бухарэсце, калі мы наважылі, што Украіна будзе сябрам (NATO). Гэта пастанова застаецца ў дзеянні, калі Украіна выканае крытэры для сяброўства і калі яна гэтага захоча», - заявіў Столтэнберг.