Літва паставіць зброю Украіне

• 24.11.2014, 14:20

Улады Літвы паабяцалі пачаць пастаўкі ўзбраенняў ва Украіну ўжо бліжэйшым часам.

Пра гэта заявіў прэзідэнт Украіны Пётр Парашэнка на сумеснай прэс-канферэнцыі ў Кіеве паводле вынікаў перамоў з прэзідэнтам Літвы Даляй Грыбаўскайтэ, піша "Украінская праўда".

"Мы дамовіліся аб пастаўках канкрэтных элементаў канкрэтнага ўзбраення для ўкраінскіх узброеных сілаў. Гэта - рэальная дапамога", - заявіў Парашэнка.

Ён не стаў канкрэтызаваць, пра які ўзбраенні ідзе гаворка.

Парашэнка дадаў, што таксама будуць забяспечвацца трэніроўкі для ўкраінскіх вайскоўцаў у Літве.

"Акрамя таго, мы дамовіліся павялічыць колькасць вайскоўцаў, якіх мы зможам накіраваць на лячэнне ў Літву з зоны АТА, да 50 чалавек", - заявіў прэзідэнт Украіны.

Грыбаўскайтэ пацвердзіла пра намеры ў вайсковым супрацоўніцтве.

"Літва гатовая дзяліцца досведам з усімі сферамі, уключаючы вайсковую. Мы будзем аказваць вам падтрымку і забяспечваць навучанне для вайскоўцаў", - заявіла яна, не ўдакладніўшы звестак у пастаўках узбраення.