Дыназаўры зніклі праз залішнюю даверлівасць

• 23.11.2014, 10:13

Дыназаўры былі забітыя кімсьці, каму яны давяралі.

Пра гэта заявілі палеантолагі Каліфарнійскага ўніверсітэта ў Берклі, піша The Onion (Иносми.ру).

«Нашы знаходкі паказваюць на тое, што нехта - мы пакуль не ведаем, хто гэта быў - на працягу 150 мільёнаў гадоў спрабаваў заваяваць давер дыназаўраў, пасля чаго нечакана аддаў іх і забіў прыблізна ў канцы крэйдавага перыяду», - заяўляе кіраўнік навуковага праекта прафесар Джэнет Боуэр (Janet Bower).

Пры гэтым яна сцвярджае, што, па ўсёй бачнасці, дыназаўры па прыродзе сваёй былі наіўнымі і даверлівымі істотамі, чым забойца мог скарыстацца, каб падабрацца да іх на такую адлегласць, з якой можна было лёгка нанесці ўдар. «Мяркуючы са стану костак і па тым, як яны раскіданыя, можна з упэўненасцю сцвярджаць, што гэтыя істоты загінулі, не супраціўляючыся, паколькі той, каго яны наіўна ўважалі за свайго сябра, заспеў іх знянацку.

Тыя ж, хто паспеў разгледзець свайго забойцу, былі прыведзеныя ў шок», - распавядае Боуэр і робіць выснову, што калі ўжо гэтыя самыя буйныя з істот, калі-небудзь жылі на Зямлі, зніклі праз тое, што дазволілі камусьці наблізіцца, то з чалавекам тым больш можа адбыцца тое ж самае.