Ператрусы на канцэрце «Акіяна Эльзы» ў Менску: АМАП шукае сцягі Украіны
- 21.11.2014, 21:01
Перад пачаткам канцэрту ўкраінскага гурта гледачоў падверглі ператрусу.
Пра гэта сайту charter97.org паведамілі чытачы.
«Ля ўваходу ў« Менск-Арэну »- вялізныя чэргі. АМАП абшуквае ўсіх, хто ідзе на канцэрт «Акіяна Эльзы» - шукаюць сцягі Украіны. Супрацоўнікі міліцыі не хаваюць нават гэтага і загадзя папярэджваюць, што з сімволікай суседняй краіны на «Менск-Арэну» не пусцяць», - распавёў адзін з абураных наведвальнікаў канцэрту.
У гэтым годзе вядомаму ўкраінскаму гурту спаўняецца 20 гадоў. Дваццаць гадоў таму калектыў рэпеціраваў у львоўскім інтэрнаце, а цяпер збірае стадыёны па ўсім свеце.