Італійка прывязе на МКС кававарку
- 21.11.2014, 18:40
Саманта Крыстафарэцці, якая рыхтуецца стаць першай жанчынай-касманаўтам Італіі, збіраецца ўзяць з сабой на арбіту кававарачную машыну.
Апарат вагой 20 кілаграмаў спецыяльна сканструяваны для працы ва ўмовах бязважкасці, а ягоныя сталёвыя дэталі разлічаныя на вялікія перагрузкі.
Крыстафарэцці ў складзе трох чальцоў экіпажа расейскага карабля «Саюз» адправіцца на Міжнародную касмічную станцыю ў нядзелю.
Да гэтага часу свежазавараны эспрэса на арбіце яшчэ ніхто не спрабаваў, паведамляе BBC.