Жыхар Жлобіна знайшоў у каўбасе кавалак поліэтылену

• 21.11.2014, 9:59

Адшуканне старонніх прадметаў у ежы - папулярны спорт.

На гэты раз інтэрнэт-супольнасць устрывожаная паведамленнем пра кавалак цэлафану ў каўбасе. Здымак «Казацкай асаблівай» з блакітным пажованым лапікам, што тырчыць з яе, з'явіўся ў супольнасці «Добры Жлобін». «Пакет у падарунак», - суцяшаюць каментатары гаспадара каўбасы.

- Учора а 18:00 я забег у нашу краму «Юнацтва», каб купіць што-небудзь хутка перакусіць перад працай, - распавёў жыхар горада Сяргей. - Як укусіў, адразу і наткнуўся... Дакладна зразумець, што гэта, немагчыма, але падобна на кавалак бахілаў.

Мяркуючы па цэнніку, каўбаса зробленая мясцовым мясакамбінатам, піша onliner.by.

Для пачатку Сяргей збіраецца апавясціць аб знаходцы раённы Цэнтр гігіены і эпідэміялогіі.