На канвой суда ў Менску напалі ўзброеныя людзі

• 20.11.2014, 18:40

Невядомыя напалі на канвой суда Савецкага раёна.

Пра гэта сайту charter97.org паведамілі ў ГУУС Менгарвыканкама.

«20 лістапада а 17.10 у судзе Савецкага раёна Менска супрацоўнікамі спецыяльнага падраздзялення канваіравання ГУУС Менгарвыканкама спыненая спроба ўцёкаў. Паводле папярэдняй інфармацыі, двое абвінавачаных учынілі напад на супрацоўнікаў міліцыі па заканчэнні судовага паседжання. Прафесійнымі і пісьменнымі дзеяннямі супрацоўнікі міліцыі спынілі спробу ўцёкаў», - паведамілі ў ГУУС.

Паводле звестак крыніц партала TUT.by злачынцы былі ўзброеныя.

На месцы здарэння знаходзіцца ўсё кіраўніцтва Савецкага РУУС сталіцы.

Паводле інфармацыі на 18.00 злачынцы абясшкоджаныя і затрыманыя.

У Савецкім РУУС сайту charter97.org адмовіліся пракаментаваць здарэнне.

Фота: Яндекс.Панорамы