Джозэф Байдэн: ЗША гатовыя ўзмацніць санкцыі супраць Расеі
- 20.11.2014, 18:17
Санкцыі ўжо аказалі ўплыў і маюць «магутны эфект».
Віцэ-прэзідэнт ЗША Джозэф Байдэн заявіў, што Штаты гатовыя ўзмацніць санкцыі ў дачыненні да Расеі ў выпадку, калі не будуць выконвацца менскія пагадненні, паведамляе газета «День».
Як звярнуў увагу палітык, у Расеі «ўсё яшчэ ёсць опцыя выканаць свае абавязацельствы» паводле менскіх дамоўленасцей, што дазволіла б скасаваць частку санкцый.
«Аднак, калі яна гэтага не зробіць, мы цалкам гатовыя павысіць цану за агрэсіўныя дзеянні Расеі ва Украіне. Я таксама хачу яшчэ раз асудзіць акупацыю і спробу анексіі Расеяй Крыма. Злучаныя Штаты, кансультуючыся з нашымі саюзнікамі, гатовыя разгледзець дадатковыя меры, каб выразна паказаць, што дзеянні Расеі не прымальныя», - сказаў Байдэн.