У Дубаі Bentley, Ferrari і Lamborghini зробяць бясплатнымі таксі

• 2.11.2014, 20:11

Жыхары Дубая і турысты змогуць скарыстацца бясплатнымі таксі-суперкарамі ў выхадныя дні з 21 лістапада па 6 снежня ўключна.

Пра гэта паведамляе інфармацыйны інтэрнэт-партал Emirates 24/7.

Паездкі можна будзе здзейсніць на аўтамабілях Rolls-Royce, Bentley, Ferrari, Lamborghini і AMG G Class Limo. Акцыя пройдзе ў рамках вядучай выставы аўтамабіляў і аксесуараў на Блізкім Усходзе - Dubai Motor Show, піша Lenta.ru.

Кошт гэтых машын пачынаецца ад аднаго мільёна дырхамаў (270 тысяч даляраў). Стаянкамі такіх таксі стануць гандлёвыя цэнтры горада, а таксама турыстычныя аб'екты. Не выключаецца, што акцыя будзе доўжыцца і больш працяглы час.

У Дубаі закупка дарагіх спартыўных аўтамабіляў для патрэб паліцыі, пажарных і іншых экстранных службаў з'яўляецца дастаткова распаўсюджанай практыкай. У 2013 годзе паліцыя эмірата прыцягнула ўсеагульную ўвагу, паказаўшы свае суперкары, сярод якіх былі Ferrari, Bentley, Aston Martin і Mercedes SLS.