Чыноўнікі Бабруйскага гарвыканкама затрыманыя за хабар

• 18.11.2014, 14:17

Службовыя асобы ўпраўлення гандлю гарвыканкама Бабруйска падазраюцца ў атрыманні хабараў.

Пра гэта гаворыцца ў паведамленні, апублікаваным на сайце Следчага камітэта Беларусі.

«Крымінальная справа распачатая паводле матэрыялаў УКДБ Магілёўскай вобласці і АБЭЗ УУС Бабруйскага гарвыканкама, - гаворыцца ў паведамленні. - Усталявана, што службовыя асобы Бабруйскага гарадскога выканаўчага камітэта паводле папярэдняй змовы ў перыяд з кастрычніка 2013 да лістапада 2014 сістэматычна атрымлівалі незаконныя грашовыя ўзнагароды за спрыяльнае развязанне пытання пра не прыцягненне дырэктара аднаго з прыватных прадпрыемстваў да адміністрацыйнай адказнасці за парушэнне заканадаўства аб гандлі. Такім чынам, за названы перыяд часу падазраваныя атрымалі 2400 даляраў ЗША».

У выніку праведзенага ў працоўным кабінеце аднаго з падазраваных ператрусу выяўленыя і канфіскаваныя грашовыя сродкі, дакументы, запісныя кніжкі. Наконт канфіскаваных аб'ектах прызначаныя генатыпаскапічная і крыміналістычная экспэртызы.

Дзеянні службовых асоб кваліфікаваныя ч. 2 арт. 430 (атрыманне хабару паводле папярэдняй змовы) Крымінальнага кодэкса Рэспублікі Беларусь. Прымененая мера стрымання - заключэнне пад варту.