Клічко прысвяціў перамогу над Пулевым украінскім героям

• 16.11.2014, 8:31

Уладзімір Клічко 16 лістапада накаўтаваў балгарына Кубрата Пулева.

Бой паміж імі адбыўся ў ноч з 15 лістапада на 16 лістапада ў Гамбургу. Уладзімір Клічко адправіў у накаўт Кубрата Пулева ў 5-м раундзе. Перад гэтым балгарын апынуўся двойчы ў накдаўне, паведамляе «Корреспонент».

«Я прысвячаю гэтую перамогу тым, хто сёння ваюе і змагаецца за незалежнасць Украіны!» - Заявіў Клічко пасля бою.

Каля рынга Уладзіміра Клічко падтрымліваў ягоны брат, мэр Кіева Віталь Клічко.

Як вядома, украінец з'яўляецца чэмпіёнам свету ў суперцяжкай вазе па версіях WBA, WBO, IBF, IBO і часопіса The Ring.

Нагадаем, бой Уладзімір Клічко - Кубрат Пулеў першапачаткова быў запланаваны на 6 верасня, аднак яго прыйшлося перанесці праз траўмы ўкраінца.