Ахлабысцін едзе ў Менск

• 12.11.2014, 18:00

13 лістапада ў Менску выступіць скандальны расейскі артыст Іван Ахлабысцін.

Большасць яго ведае як галоўнага героя папулярнага серыяла «Інтэрны». Да гэтай ролі былы поп не быў у ліку топавых акцёраў.

Падчас расейска-ўкраінскага канфлікту Іван Ахлабысцін заняў відавочна прапуцінскую пазіцыю і стаў неад'емнай часткай дзяржаўнай расейскай прапаганды. Таму для звычайных расейцаў, большасць з якіх цалкам давяраюць крамлёўскім СМІ, Ахлабысцін - адзін з галоўных ідэолагаў «рускага свету».

Цікава, што сярод інфармацыйных спонсараў і арганізатараў сустрэчы з акцёрам, як вынікае з афішы, з'яўляюцца TUT.by, open.by, relax.by, «Інтэрфакс», УП «Шаблі».