Паліцыя ў Варшаве ўжыла вадамёты супраць радыкалаў (Відэа)

• 11.11.2014, 21:02

Некалькі дзясяткаў чалавек у масках, якія ўдзельнічалі ў маніфестацыі, закідвалі паліцэйскіх петардамі і камянямі.

Яшчэ адна група асоб напала на ўдзельнікаў маршу. Паліцыя выкарыстала супраць некаторых дэманстрантаў вадамёты і гумовыя кулі.

Усяго ў «Маршы за Незалежнасьць» у Варшаве прынялі ўдзел больш за 10 тысяч чалавек. Гэта традыцыйная акцыя, у якой бяруць удзел прыхільнікі правых сіл. Кожны год даходзіць да сутыкненняў з паліцыяй. Праваахоўнікі паведамляюць, што затрымалі больш за сто чалавек - яшчэ да пачатку маршу некаторыя патрапілі ў пастарунак за таго, што мелі пры сабе петарды і фаеры, паведамляе «Белсат».

У гэты ж дзень праходзяць і іншыя маршы з нагоды Дня Незалежнасці. Так у першай палове дня адбыўся марш «Разам для незалежнай», у якой прыняў удзел прэзідэнт Польшчы Браніслаў Камароўскі, прэм'ер-міністр Эва Копач і іншыя афіцыйныя асобы.