Дуня Міятавіч: Нельга караць журналістаў за працу без акрэдытацыі
- 8.10.2014, 20:43
Практыка пакарання журналістаў у Беларусі за працу без акрэдытацыі павінна быць спыненая.
Пра гэта гаворыцца ў распаўсюджанай 8 кастрычніка заяве прадстаўніка АБСЕ ў пытаннях свабоды СМІ Дуні Міятавіч, піша БелаПАН.
«Акрэдытацыя не можа разглядацца як дазвол на працу, - заявіла Міятавіч. - Фрылансеры павінны мець магчымасць працаваць гэтак жа вольна, як журналісты зарэгістраваных СМІ».
Міятавіч зноў заклікала беларускія ўлады перагледзець існыя патрабаванні аб абавязковай акрэдытацыі, а таксама прапанавала дапамогу свайго офіса ў падрыхтоўцы рэформаў для беларускага заканадаўства аб СМІ.