Мінабароны Украіны: На Гелетэя быў учынены замах у Славянску
- 8.10.2014, 17:46
Замах не вывеў міністра абароны Валерыя Гелетэя з раўнавагі і ён працягнуў кіраваць падначаленымі.
Пра гэта на прэс-канферэнцыі камандзіраў брыгад Мінабароны сказаў камандзір падраздзялення спецвыведкі, які не назваў свайго імя і прозвішча, пішуць "Украінскія навіны".
"У момант узняцця сцяга ў Славянску на яго быў учынены замах", - адзначыў вайсковец.
Са слоў выведніка, напад не вывеў міністра абароны Валерыя Гелетэя з раўнавагі і ён працягнуў кіраваць падначаленымі.
Вайсковец таксама паведаміў, што Гелетэй асабіста распрацоўваў аперацыю вызвалення Дзяржынска, якая была праведзеная "вокамгненна, з мінімальнымі стратамі".