Карэйцы ў Менску выканалі «Купалінку»
- 8.10.2014, 15:08
На вечарыне карэйскай музыкі госці з Азіі зрабілі сюрпрыз беларускай публіцы.
Відэа ў рэдакцыю charter97.org даслаў чытач.
Вечар нацыянальнай карэйскай музыкі адбыўся ўчора ў Рэспубліканскім палацы культуры прафсаюзаў, з нагоды Дня заснавання карэйскай дзяржавы 3 кастрычніка. Менск наведалі музыкі аркестра Карэйскага інстытута класічнай музыкі «Кугак». Музыка выконвалася на карэйскіх нацыянальных інструментах камунга і хэгым, а таксама прагучалі песні ў жанры пхансоры (від оперы) і мане (камічная песня).
Рэжысёр-пастаноўшчык праекта Юн Чжон Ган з'яўляецца вядучым карэйскім крытыкам, аўтарам зборніка крытычных артыкулаў з 10 тамоў. У 2004 годзе ён стаў уладальнікам гран-пры тэлеканала KBS у галіне карэйскай класічнай музыкі.