Парашэнка падтрымаў кандыдатуру Яцанюка на пасаду прэм'ера

• 31.10.2014, 14:38

Прэзідэнт Украіны прапанаваў фракцыі «Блок Парашэнкі» падтрымаць Арсенія Яцанюка на пасаду прэм'ера.

Пётр Парашэнка заявіў, што гэта трэба зрабіць пры ўмове дэталёвага ўзгаднення кааліцыйнага пагаднення, піша «Украінская праўда».

Пра гэта прэзідэнт Украіны сказаў на сустрэчы з народнымі дэпутатамі, абранымі ад «Блока Парашэнкі». З ягоных слоў, ён атрымаў шмат прапаноў унесці кандыдатуру Уладзіміра Гройсмана на пасаду прэм'ера, але для адзінства краіны просіць падтрымаць Арсенія Яцанюка.